Словакияның «Тренчин» клубында өнер көрсететін қазақстандық жартылай қорғаушы Шахмұрза Адырбеков ASnews.kz сайтына берген сұхбатында болашағы туралы пікір білдірді.
«Маусым барысында аздаған жарақаттар болды, бірақ қазір бәрі жақсы. «Тренчинде» қаламын. Клубпен тағы екі жылдық келісімшарт жасастым», – деді 19 жастағы футболшы.
Бұған дейін «Тобыл» сапында ойнаған Шахмұрза Адырбеков «Тренчинге» өткен жылдың қыркүйегінде қосылған болатын. Осы уақытқа дейін ол еуропалық клубта 12 матч өткізіп, бір нәтижелі пас берді.
Фотода: Шахмұрза Адырбеков.
Қазақстандық қорғаушы «Аланьяспор» сапында дебют жасауы мүмкін
