«Хромтаудың» 19 жасар вингері Дәулет Тұрмағанбет «Интер Барселона» клубына ауысуға жақын. Бұл туралы ASnews.kz хабарлайды.
«Ақтөбе» футбол мектебінің түлегі Каталонияның үшінші дивизионында өнер көрсететін «Интермен» келісімшарт жасасу үшін Испанияға барды. Оң қанаттағы шабуылшы сынақтан сәтті өтіп, негізгі құрам жаттықтырушыларын мойындатқан. Ол қыркүйек айында командамен бірге алғашқы оқу-жаттығу жиынына аттанады деп күтілуде.
Биылғы маусымда Дәулет Тұрмағанбет Қазақстан Кубогының 1/16 финалында «Жеңіске» қарсы (1:4) матчта алаңға шықты. Ал соңғы екі жылда QJ League додасында жеті нәтижелі іс-қимылымен (гол+пас) көзге түскен.
Фотода: Дәулет Тұрмағанбет.
