«Баянтау» спорт сарайында қазақ күресінен жасөспірімдер арасындағы турнир басталды. Биыл жарыс оныншы рет ұйымдастырылып отыр, деп хабарлайды Pavlodar-online.
15-17 мамыр аралығында Павлодарда төселген бозкілемге Қазақстанның барлық өңірінен келген 2009-2010 жылы туған шамамен 350 жас палуан шығады.
Биылғы турнирдің басты ерекшелігі — жеңімпаздарға берілетін марапаттар. Тоғыз салмақ дәрежесі бойынша чемпион атанған спортшыларға Satbayev University, Toraighyrov University, Margulan University және Kozybayev University оқу орындарының білім гранттары табысталады.
Турнирге танымал қонақтар да келді. Биыл жас спортшыларға қолдау көрсету үшін белгілі қазақстандық спортшылар — Шавкат Рахмонов, Садриддин Ахметов, Жәнібек Әлімханұлы арнайы келді.
Рымтай Ізбастинді еске алуға арналған бұл турнир Павлодар үшін дәстүрлі жарысқа айналды. Бұл — жас спортшылардың өздерін көрсетуіне мүмкіндік беретін әрі соғыс ардагерін еске алудың бір жолы.
Фото: pavon.kz.
