29 жастағы жапониялық қорғаушы Ицуки Урата мансабын ҚПЛ-да жалғастыруы мүмкін, деп хабарлайды ASnews.kz.
Наурыз айында қанаттағы қорғаушы жалақының төленбеуіне байланысты өзбекстандық «Бунедкор» клубымен келісімшартты біржақты тәртіпте бұзған болатын. Бүгінгі таңда оның қызметіне Қазақстан мен Беларусь клубтары қызығушылық танытып отыр. Олардың бірі ресми ұсыныс тастады.
Ицуки Урата Ташкент командасына 2024 жылдың жазында ауысқан еді. Жапония жастар құрамасының бұрынғы футболшысы өткізген 39 матчта екі гол соғып, үш нәтижелі пас берді.
Өткен жылдың соңында еркін агент мәртебесіндегі ойыншы «Ақтөбеге» ауысуға шақ қалған болатын. «Ақ-қызылдардың» басшылығы оның кандидатурасын Богдан Вэтэжелудің орнына үміткер ретінде қарастырған еді.
Бұған дейін кипрлік «Красава» клубының орталық қорғаушысы Иродотос Христодулудың мансабын «Ордабасыда» жалғастыруы мүмкін екені белгілі болған.
Фотода: Ицуки Урата.
