17 жастағы қазақстандық спортшы матчты сәтті бастап, алғашқы сетте қарсыласынан басым түсті. Есеп 4:1 болған тұста брейк жасаған Нұрланұлы алғашқы партияны 6:3 есебімен өз пайдасына аяқтады.
Екінші сетте де Зангар брейкпен алға шыққанымен, басымдықты сақтай алмады. Тай-брейкте бразилиялық теннисші 7:3 есебімен жеңіске жетіп, матч тағдырын шешуші сетке қалдырды.
Үшінші партияда Нұрланұлы 4:5 есебінде екі матчболды қайтарып, есепті теңестірді. Алайда кездесудің соңын сәтті өткізген Леонарду Шторк Франка 6:3, 6:7 (3:7), 5:7 есебімен жеңіске жетті. Матч 2 сағат 53 минутқа созылды.
Айта кетейік, Заңғар Нұрланұлы Париждегі турнирде сегізінші нөмірмен тіркелген болатын. Ол бұған дейін жасөспірімдер арасындағы «Үлкен дулыға» турнирлерінде екі мәрте жартылай финалға дейін жеткен.
Фото: ktf.kz.
