Қазақстандық аралас жекпе-жек шебері Саламат Исбулаев АҚШ-тың Сан-Диего қаласында өткен PFL турнирінің басты кездесуінде өнер көрсетті, дейді 1bol.kz.
Отандасымыздың қарсыласы Bellator ұйымының бұрынғы жартылай жеңіл салмақтағы чемпионы, тәжірибелі америкалық Эй Джей Макки болды. Үш раундқа жоспарланған жекпе-жек толық өтіп, төрешілердің бірауыздан шығарған шешімімен америкалық файтердің жеңісімен аяқталды.
Осылайша, Эй Джей Макки кәсіби мансабындағы 25-ші жеңісіне қол жеткізсе, Саламат Исбулаев алғаш рет жеңілістің ащы дәмін татты. Бұл қазақстандық спортшының PFL ұйымындағы екінші жекпе-жегі болды. Енді оның лигадағы көрсеткіші – 1 жеңіс және 1 жеңіліс.
Фото: әлеуметтік желіден.
