Келісімшарттағы белгісіздік
Винисиустың «Реалмен» қазіргі келісімі 2027 жылдың жазына дейін жарамды. Алайда тараптар жаңа келісімшарт бойынша ортақ шешімге келе алмай отыр.
Клуб басшылығы уақытты соза берудің тәуекелін түсінеді. Егер келісім ұзартылмаса, болашақта ойыншыны тегін жоғалтып алу қаупі бар. Осы себепті «Реал» оны жақын трансферлік кезеңде сату мүмкіндігін қарастырып жатыр.
Сауд Арабиясынан қызығушылық бар
Бразилиялық футболшыға Сауд Арабиясының клубтары қызығушылық танытып отыр. Ақпарат бойынша, олар Винисиус үшін шамамен 100 миллион еуро төлеуге дайын.
Бұл сома «Реал» үшін маңызды фактор болуы мүмкін, әсіресе келіссөздер ұзаққа созылған жағдайда.
Винисиустің статистикасы
Бразилиялық шабуылшы «Реал» сапында 2018 жылдан бері өнер көрсетіп келеді. Ол клубқа «Фламенгодан» ауысты.
Ағымдағы маусымда Винисиус:
- 47 матч өткізді
- 17 гол соқты
- 14 нәтижелі пас берді
Фото: sportrbc.ru.
