Аты аңызға айналған жартылай қорғаушы Мадридке жаңа рөлде оралуы мүмкін, деп жазады penalty.kz.
The Athletic мәліметінше, тараптар қазірдің өзінде келіссөздер жүргізуде. Алайда бұл жолы әңгіме ойыншы ретінде емес, басқа қызмет туралы болып отыр.
36 жастағы неміс футболшысы 2024 жылы Еуропа чемпионатынан кейін кәсіби мансабын аяқтаған еді.
Жаңа рөл қандай болуы мүмкін?
«Реал» басшылығы Кроосты клубтың спорттық құрылымына тартуды жоспарлап отыр. Бұл бағытта ол:
- құрам жасақтауға қатысуы
- клубтың атынан өкілдік етуі
- негізгі командамен бірге жаттығу базасында жұмыс істеуі мүмкін.
Сондай-ақ оның клуб президенті Флорентино Переспен тығыз байланыста жұмыс істеуі күтіледі.
Тони Кроос Мадрид клубында 10 жыл өнер көрсетіп, үлкен жетістіктерге жетті:
- 23 трофей
- 5 рет Чемпиондар лигасының жеңімпазы
- 4 рет Испания чемпионы
Сонымен қатар, ол Германия құрамасымен 2014 жылы әлем чемпионы атанғды.
Мансабын аяқтағаннан кейін Кроос жеке жобаларға көңіл бөлді. Атап айтқанда:
- Мадридте өзінің футбол академиясын ашты
- медиа саласында белсенді жұмыс істеп жүр.
Фото: rusfootball.info.
