Қазақстан хоккей құрамасының 2027 жылғы әлем чемпионатындағы қарсыластары белгілі болды, деп хабарлайды 1bol.kz.
Халықаралық хоккей федерациясы (IIHF) элиталық дивизиондағы әлем чемпионатының топтық кезеңіне қатысатын құрамаларды ресми түрде жариялады. Қазақстан құрамасы В тобына түсті.
Бұл топта қазақстандық хоккейшілер Канада, АҚШ, Чехия, Словакия, Дания, Норвегия және Венгрия құрамаларымен күш сынасады.
Ал А тобында Швейцария, Финляндия, Швеция, Германия, Латвия, Аустрия, Словения және Украина командалары өнер көрсетеді.
2027 жылғы әлем чемпионаты 14-30 мамыр аралығында Германияның Дюссельдорф және Мангейм қалаларында өтеді.
Айта кетейік, Талғат Жайлауов жаттықтыратын Қазақстан құрамасы биыл І дивизионның А тобында жеңіске жетіп, әлем хоккейінің элиталық дивизионына қайта оралған болатын.
Фото: ҚХФ.
