АҚШ -та өтіп жатқан футболдан Әлем біріншілігінде топтық кезең бітіп, 1/16 финалға өткен командалар белгілі болды.
Жарыста орын алған тосын жағдайлар көп болды. Бірақ бастысы, ол Азия құрлығының командаларының басқа материктерге қарағанда әлсіз, төмен деңгейдегісі екендігі!
Олай дейтініміз, Катар, Иордания, Өзбекстан, Сауд Аравия және Оңтүстік Корея өте нашар өнер көрсетті!
Әсіресе, өзіміздің көршіміз, бәріміз тілеуін тілеген Өзбекстан құрамасының барлық үш ойында да ұтылып, өз қақпасына 11 доп жіберіп, тек 2 доп соққаны ауыр тиді!
Мен неге бұл туралы жазба жазып, осы мәселеге көңілдеріңізді аударып отырмын? Оған себеп, Өзбекстан құрамасы ӘЧ финалдық кезеңіне жолдама ұтып алғанда қуанышымызда шек болмады!
Тіпті арамызда, біздің құраманы кезінде бекер УЕФА-ға кірдік, АЗИЯ-ға қайтадан кірейік деген пікірлер жазыла бастады!
Алайда, АҚШ, Канада, Мексикада өтіп жатқан ӘЧ командалардың кәсіби деңгейін нақты көрсетті, кімнің мықты екенін және бұл жерде футболдың қаржыға қарамай дами алатынын нақты дәлелдеді десе де болады.
Иордания, Сауд Аравия, Катар, Оңтүстік Корея, тіпті Өзбекстанда футболға қаржы аз бөлінеді дегенге сену қиын! Бірақ командаларының деңгейі басқа құрлықтардың командаларына қарағанда деңгейі айтарлықтай төмен!
Өйткені, футбол дамымаған! Яғни Европа, Америка, Африка, тіпті Австралия мен Жаңа Зеландиядағыдай емес! Қазақстан футбол федерациясы бұл жерде дұрыс бағытта! Өйткені, УЕФА — да ең мықты командалар, футболшылар шоғырланған! Өзбекстан төрт жылда бір өтетін ӘЧ қатарынан 4-5 рет жолдама ұтып алса да, Қазақстан құрамасы секілді футболын дамыта алмайды.
Оның қарсыластары біздің команданыкіндей тәжірибелі мықты болмайды! Биылдың өзінде Қайрат, өзіміздің құрама мықты командалармен кездесіп, мол тәжірибе жинап, жоғары деңгейдегі, болашағына үмітпен қарайтын ондаған жас футболшыларымыз пайда болды!
Мысалға Дастан Сатпаев, Жасұлан Әмір, Арсен Әшірбек, Ғалымжан Кенжебек, Максим Самородов, Чесноков, Бекболат Исмаил, Азамат Тұяқбаев, , т.б! Енді жыл сайын осындай жас, талантты футболшылар шыға береді!
Бастысы, оларға әлемнің ең мықты Челси, Барселона секілді клубтары көңіл аударып, тіпті сатып алып жатыр!
Енді бір 4-5 жылда, Қазақстан құрамасы ӘЧ финалдық кезеңіне қатысып, Өзбекстан тұрмақ, Иран, Жапониядан жоғары тұрады деп сенемін!
Менің ойымша, енді командаға талантты бапкерлер керек секілді! Сондықтан жас футболшыларымызға көп сын айта бермейік, қайта қолдайық! Жалпы еліміздегі командалардың деңгейі де өсіп жатыр. Барлық дерлік кездесулер тартысты өтуде, тек төрешілердің Ордабасыға бүйрегі бұрып тұрғаны қынжылтады!
Сондықтан, біздің футболдың жауы, ол тек жемқорлық дер едім!
Пікір иесі: Сұлтан Иқанұлы.
Фото: instagram/kff_jastar.
