«Астана» ФК Қазақстан Премьер-лигасының 24-турында «Атырауды» 3:2 есебімен жеңді, деп хабарлайды penalty.kz.
Исламхан есеп ашты
Артынша Иван Башич алыстан соққы жасап, доп Егор Хаткевич қорғаған қақпаның бағанасына тиді. Үзіліске дейін Станислав Басманов елордалықтардың басымдығын екі голға жеткізді. Бұл шабуылда Исламхан нәтижелі пас берді.
«Атырау» интриганы қайтара алмады
Екінші таймның басында Джордже Пантелич есеп айырмасын қысқартып, алаң иелеріне үміт сыйлады. Дегенмен көп ұзамай Марин Томасов «Астананың» үшінші голын соқты. Бұл жолы да нәтижелі пастың авторы Бауыржан Исламхан болды.
Кездесудің соңғы голын «мұнайшылар» сапында Энрике Девенс соқты.
Матчтың басты қаһарманы Бауыржан Исламхан болды. Қазақстандық жартылай қорғаушы бір гол соғып, екі нәтижелі пас берді. Осылайша елордалықтардың барлық нәтижелі шабуылына тікелей қатысты.
«Астана» үшінші орынға көтерілді
Бұл жеңістен кейін «Астана» 42 ұпай жинады. Елордалық клуб ҚПЛ турнирлік кестесінде үшінші орында келеді.
Ал 20 ұпай жинаған «Атырау» чемпионат кестесінің төменгі бөлігінде қалып отыр.
Фото: Instagram/@fca.astana
