Бұған Рыбакинаның Цинциннатидегі WTA 1000 турнирінде алған сол жақ тобығының жарақаты себеп. Қазақстандық теннисші 21 тамызда Ига Швентекке қарсы ширек финалдық кездесуді осы жарақатына байланысты аяқтай алмаған еді.
US Open-нің аралас жұптар сынында Рыбакина америкалық Тейлор Фрицпен бірге өнер көрсетуі керек болған. Алайда қазақстандық спортшы жарыстан бас тартқаннан кейін оның орнын әлемдік рейтингте үшінші орында тұрған америкалық Джессика Пегула басты.
Рыбакинаның аралас жұптардан бас тартуы оның US Open-дегі жекелей сынға дайындығына да байланысты болуы мүмкін. Яғни теннисші негізгі бәсеке алдында денсаулығына артық салмақ түсірмеуді көздеп отыр.
Әзірге Рыбакинаның US Open жекелей сынына қатыспайтыны туралы ақпарат жоқ. Сондықтан оның аралас жұптардан шығуын жалпы турнирден бас тартты деп қабылдауға болмайды.
Бұған дейін Рыбакина жарақаттан кейін жүрудің өзі ауыр екенін айтып, медициналық тексеруден өтетінін мәлімдеген еді.
Фото: Getty Images.
