Қазақстандық шабуылшы Дастан Сәтпаев Лондонға аттанып, жуырда «Челсидің» маусымалды оқу-жаттығу жиынына қосылады, деп жазады 1bol.kz.
Бұл туралы Scout in Eurasia парақшасы хабарлап, футболшының әуежайдағы суретін жариялады. Мәліметке сәйкес, Сәтпаев Лондонға анасымен бірге ұшқан, ал ағасы Дархан оны әуежайдан шығарып салған.
Еске салайық, Дастан Сәтпаев тамыз айында 18 жасқа толады. Осыған дейін ол алматылық «Қайратпен» ресми түрде қоштасып, енді Англиядағы жаңа кезеңіне қадам басты.
Фото: Әлеуметтік желіден.
