Қазақстан құрамасының 17 жастағы шабуылшысы Дастан Сәтпаев лондондық «Челси» сапындағы алғашқы жүлдесіне қол жеткізді.
8 тамызда Джакартада (Индонезия) «Челси» маусым алдындағы Indonesia Super Cup турнирі аясында италиялық «Миланмен» жолдастық кездесу өткізді. Лондондық клуб қарсыласын 3:0 есебімен жеңді.
«Челси» сапынан Жоау Педру дубль жасаса, тағы бір голды Мойсес Кайседо соқты. Кездесуден кейін лондондық клуб ойыншыларына чемпиондық кубок табысталды.
Дастан Сәтпаев матчқа қатысушылар тізіміне енгенімен, ойын бойы қосалқы құрамда қалды. Қазақстандық шабуылшы бұған дейін «Челсидің» маусым алдындағы Азия турнесінде үш жолдастық кездесуде алаңға шығып, негізгі команда сапындағы алғашқы голын да соққан болатын.
Фото: видеодан кадр.
