Дастан Сәтпаевтың Лондондық «Челси» клубына ауысуына қатысты нақты мерзімдер мен астыртын келісімшарттың құпиялары жарияланды, деп хабарлайды Aladop.kz.
Дастан Сәтпаевтың Aлматылық «Қайрат» жейдесіндегі соңғы кездесуі де белгілі болды. Жас шабуылшы өз үйіндегі соңғы ойынын өткізіп, жанкүйерлермен ресми түрде қоштаспақ.
«Сәтпаев 17 маусым күні «Қызылжарға” қарсы өтетін матчта Алматылық «Қайратпен” және отандық жанкүйерлермен қош айтысады. Осыдан кейін ол Тұманды Альбионға аттануға дайындықты бастайды.” — деп хабарлайды дереккөз.
«Челсидің» жаңадан тағайындалған бас бапкері Хаби Алонсо жас Қазақстандық шабуылшыны өз бақылауына алуға асығып отыр.
Испаниялық маман кеше ғана Лондондық клубпен 4 жылдық келісімшартқа отырған болатын. Ол команданың даму стратегиясын өз қолына алып, жас таланттарды негізгі құрамға бейімдеуді көздеп отыр.
Осы жоспар аясында 1 шілде күні Дастан Сәтпаев ресми түрде «Челсидің» базасына келіп қосылады.
Дәл осы күні Хаби Алонсо клуб құрылымында бар және жаңадан сатып алынған барлық жас ойыншылар үшін арнайы оқу-жаттығу жиынын бастайды.
Айта кететін жайт, Хаби Алонсо қазақ шабуылшысының ойын стилімен өте жақсы таныс. 2025 жылдың қыркүйек айында Алонсо «Реал Мадридтің” бас бапкері болып тұрған кезде, Чемпиондар лигасының жалпы кезеңі аясында Алматыда «Қайратқа” қарсы шыққан болатын. Дәл сол кездесуде Сәтпаевтың талантына тәнті болған маман енді 2026/27 жылғы жаңа маусымда отандасымызды Ағылшын Премьер лигасының деңгейіне көтеруге тікелей өзі жетекшілік етпек.
