Футболдан UEFA Чемпиондар лигасы жартылай финалына жолдама алған барлық құрама белгілі болды.
Ширек финалдың екінші ойын күнінде «Бавария» (Германия) мен «Реал Мадрид» (Испания) командалары кездесті.
Алғашқы ойында испаниялық клуб өз алаңында қарсыласына 1:2 есебімен есе жіберген еді. Жарыстың келесі сатысына берілетін жолдаманың қолдан сусып бара жатқанын түсінген олар төреші ысқырығы естілген сәттен тізгінді өз қолына алуға тырысты.
Ойынның 1-минутында «Реал Мадрид» сапынан Арда Гюлер өз мүмкіндігін мүлт жіберген жоқ. Дегенмен «Бавария» ойыншысы Александар Павлович 6-минутта таразы басын теңестіріп үлгерді.
Ал 29-минутта айып добын шебер орындай білген Арда Гюлер өзінің бұл оыйындағы екінші голын соғып үлгерсе, 38-минутта германиялық клубтан Гарри Кейн көздеген нысанадан мүлт кеткен жоқ. Есеп — 2:2.
Толассыз шабуыл барысында испаниялық командадан Килиан Мбаппе 42-минутта тепкен доп «Бавария» қақпасында тулап жатты.
Ойынның ерманиялық клубтан Луис Диас 89, Майкл Олисе 93-минутта гол соғып, қорытынды есепті белгіледі.
Осылайша «Бавария» қарсыласынан 4:3 есебімен басым т.сіп, жартылай финалға жолдама алды.
Сондай-ақ тағы бір кездесуде Англияның «Арсеналы» (Англия) мен Португалияның «Спортингі» 0:0 есебімен тең ойнады. Екі команда арасындағы алғашқы кездесуде англиялық клуб қарсыласынан 1:0 есебімен басым түскен еді.
Айта кетсек, бұдан бұрын Испанияның «Атлетико Мадрид» клубы сол елдің тағы бір өкілі «Барселонаны» (2:0, 1:2), Францияның «Пари Сен-Жермені» Англияның «Ливерпулін» (2:0, 2:0) қапы қалдырып кетті.
Енді жартылай финал ойындары 28-29 сәуір және 5-6 мамырда болады.
Финал 30 мамырда Венгрия астанасы Будапешт қаласындағы «Пушкаш-Арена» стадионында өткізіледі.
Фото: UEFA.com.
