Қазақстан ұлттық құрамасының шабуылшысы Абат Айымбетов мансабындағы жаңа кезеңді клубсыз бастайтын болды, деп хабарлайды Aladop.kz.
Vesti.kz сайтының хабарлауынша, тәжірибелі форвардтың келісімшарты аяқталып, қазіргі уақытта еркін агент мәртебесінде жаңа команда іздеуде.
Абат Айымбетов «Петролулу” клубымен келісімшартын ұзартпау туралы шешім қабылдады. Осылайша, маусымаралық кезеңде шабуылшы ресми түрде еркін агентке айналып отыр.
Бұл шешім футболшының өз мансабындағы жаңа белестерге ұмтылуымен және шетелдік клубтардың қызығушылығымен байланысты болуы мүмкін. Қазіргі уақытта ойыншының агенттері бірнеше нұсқаны қарастырып жатқан көрінеді.
Абат Айымбетов — соңғы жылдары Қазақстан құрамасының басты сұрмергендерінің бірі саналады. Оның халықаралық аренадағы, соның ішінде Еуропа чемпионатының іріктеу кезеңдеріндегі ойындары жанкүйерлердің есінде.
Ол клубтық деңгейде де, Ұлттық құрамада да өзін тұрақты гол соғатын шабуылшы ретінде көрсете білген.
Қазақстан чемпионатындағы бірнеше титулдары бар және шетелдік лигаларда ойнаған тәжірибесі оны трансфер нарығындағы тартымды активтердің біріне айналдырары сөзсіз.
