Қазақстан ұлттық құрамасының бұрынғы бас бапкері Магомед Адиев бос тұрған бас бапкер лауазымына негізгі үміткерлердің қатарына кірді.
ASnews.kz-ке белгілі болғандай, 49 жастағы ресейлік маман шорт-листке еніп, онымен келіссөздер жүргізілген.
Адиевтен бөлек, үміткерлер тізімінде отандық мамандар, атап айтсақ, Григорий Бабаян, Қайрат Нұрдәулетов және басқа да бапкерлер бар.
Магомед Адиев Қазақстан құрамасын 2022-2024 жылдар аралығында жаттықтырды және ұлттық құрама тарихындағы ең табысты бапкер болып саналады. Оның басшылығымен қазақстандық футболшылар тарихи нәтижелерге қол жеткізді:
- Ұлттар лигасының С дивизионындағы өзі орналасқан топта жеңіске жетіп, В дивизионына жолдама алды;
- Тарихта алғаш рет Еуропа чемпионаты-2024 іріктеуінің плей-офф матчтарына дейін жетті.
Ұлттық құрамадағы жұмысын аяқтағаннан кейін ресейлік маман мансабын клубтық деңгейде жалғастырды. Ол грозныйлық «Ахмат», мәскеулік «Химки», самаралық «Крылья Советов», сондай-ақ беларусьтік «МЛ Витебск» клубтарын жаттықтырды.
Қазіргі уақытта Талғат Байсуфинов қызметінен кеткеннен кейін Қазақстан ұлттық құрамасының бас бапкері лауазымы бос тұр. Жаңа бапкерді іздестіру жұмыстары жалғасуда.
Фотода: Магомед Адиев.
