Қазақстандық каратэші Софья Берульцева Жапонияның Айти–Нагоя қалаларында өтіп жатқан XX жазғы Азия ойындарының чемпионы атанды. Оның жеңісінен кейін Қазақстан құрамасының қоржынындағы алтын медаль саны төртке жетті, деп хабарлайды Sportinside.kz.
Софья Берульцева каратэнің кумитэ бағдарламасы бойынша 68 келіден жоғары салмақ дәрежесінде сынға түсіп, жарыстың жеңімпазы атанды.
Бұл – қазақстандық спортшының Азия ойындарындағы қатарынан екінші алтын медалі. Бұған дейін Берульцева Ханчжоуда өткен Азия ойындарында да дәл осы салмақ дәрежесінде чемпион болған.
Софья Берульцева халықаралық жарыстарда бұған дейін де жоғары нәтижелер көрсеткен. Ол Токио Олимпиадасының қола жүлдегері және Қазақстан құрамасының жетекші каратэшілерінің бірі саналады.
Қазіргі уақытта WKF каратэ Қазақстанның 20 өңірінде дамып келеді. Бұл спорт түрімен ел бойынша 77 мыңнан астам адам айналысады.
Спортшыларды даярлау жұмысына 600-ге жуық жаттықтырушы тартылған. Олардың 140-ы ауылдық жерлерде еңбек етеді.
Осылайша Софья Берульцеваның жеңісі Қазақстан құрамасының 2026 жылғы Азия ойындарындағы төртінші алтын медалі болды.
Фото: Арлан Олжабай / ҚР ҰОК.
