Бельгияның «Генк» клубында өнер көрсететін 16 жастағы қазақстандық вингер Шахмұрат Дәулетов даниялық «Сеннерйюске» U19 командасына қарсы жолдастық кездесуде гол соқты, деп хабарлайды ASnews.kz.
Қапталдағы шабуылшы ойынның 60-минутында алаңға шықты. Жеке шеберлігімен қарсыластарынан сытылып шығып, «Генктің» жеңісті голын соқты (3:2). Оның тағы бір соққысы бағанаға тиіп. кері қайтты.
«Сеннерйюске» клубының негізгі командасы Данияның жоғарғы дивизионында «Копенгагенді» артқа тастап, төртінші орында келеді.
Шахмұрат Дәулетов 2024 жылдан бері «Генк» сапында ойнап жүр. Бұған дейін ол «Қайрат», «Антальяспор» және «Беерсхот» академияларында тәлім алған.
Фотода: Шахмұрат Дәулетов.
