Орта салмақта WBO және IBF нұсқалары бойынша әлем чемпионы Жәнібек Әлімханұлының кәсіби мансабындағы жиынтық табысы шамамен 1,5 миллион доллар болуы мүмкін, деп жазады penalty.kz.
Басқа чемпиондармен салыстырсақ
Дереккөздегі мәліметке сәйкес, орта салмақтағы қазіргі белбеу иелерінің шамаланған табысы мынадай:
- Карлос Адамес (WBC) — Әлімханұлымен шамалас сома;
- Хамза Шираз — шамамен 1,2 млн доллар;
- Эрисланди Лара (WBA) — белсенді чемпиондар ішінде көш бастап, шамамен 2 млн доллар.
Жәнібек Әлімханұлы кәсіпқой рингте 17 кездесу өткізіп, барлығында жеңіске жеткен. Оның 11 жеңісі нокаутпен аяқталғаны айтылады.
Ларамен біріктіру жекпе-жегі неге өтпеді?
БАҚ дерегінше, 7 желтоқсанда Жәнібек Әлімханұлы WBA чемпионы Эрисланди Лараға қарсы WBO, IBF және WBA белбеулері үшін біріктіру жекпе-жегін өткізуі тиіс болған. Алайда кездесу қарсаңында допинг-сынамада мельдоний табылғаны туралы ақпарат шығып, айқас өтпей қалды. Нәтижесінде Лара жоспардан тыс венесуэлалық Йохан Гонсалеспен жұдырықтасып, төрешілердің бірауызды шешімімен жеңіске жетті.
Өтпеген жекпе-жекте Әлімханұлы чемпион ретінде 350 мыңнан 500 мың долларға дейін табыс табуы мүмкін еді.
Фото: Instagram/@janibek_alimkhanuly.
