Атақты армениялық бапкер Вардан Минасян «Каспиймен» келіссөз жүргізуде, деп хабарлайды ASnews.kz.
Минасянның ақтаулық клубты тізгіндеу ықтималдығы жоғары болып тұр.
Бұған дейін БАҚ беттерінде «Каспийді» «Қайсарда» жұмыс істеген Виктор Кумыковтың баптайтыны хабарланған еді.
Минасян бұған дейін Қазақстанда «Тобылды» және «Таразды» жаттықтырған. Оның кезінде «Тараз» жақсы нәтижелерге қол жеткізді, бірақ қаржылық қиындықтарға байланысты клубтан кетіп қалды.
Минасян өз елінде «Пюник» пен «Арарат-Армения» командаларын бірнеше рет чемпион қылды, Кубок мен Суперкубокты да жеңіп алды. 51 жастағы маман Армения құрамасын да баптап, оларды Еуропа чемпионатының өтпелі кезеңіне шығаруға жақын болды.
Вардан алты рет өз елінің үздік бапкері деп танылған. Армения құрамасы сапында 15 кездесу өткізген.
Қазан айының басында ASnews.kz Минасянның «Каспиймен» келіссөз жүргізіп жатқанын хабарлаған еді, бірақ ақтаулық клуб бұл ақпаратты жоққа шығарды.
Фото: Вардан Минасян.
