Осыған байланысты алматылық клуб өкілдері ресми мәлімдеме жасады, деп жазады penalty.kz.
Алматылық «Қайраттың» ресми мәліметінше, Грекияның атақты «Олимпиакосына» қарсы өтетін Чемпиондар Лигасының матчының билеттері ертең, 28 қарашада сатыла бастайды. Ойын 9 желтоқсанда Астанадағы «Астана Аренада» өтеді.
Клуб осы кездесуге қатысты билет бағаларын төмендеткенін мәлімдеген болатын. Жаңартылған тариф бойынша құны:
- 15 000 теңгеден 50 000 теңгеге дейін.
Әр жанкүйер екі билеттен артық сатып ала алмайды.
Билеттер екі ресми платформада қолжетімді болады:
- Qairat SuperApp
- Freedom SuperApp
Айта кетейік, 26 қараша күні команда сырт алаңда «Копенгагенмен» ойнап, жеңіліс тапты. Бірақ жас шабуылшы Дастан Сәтпаев тарихи гол соғып, бір емес, екі рекорд жаңартты — бұл матчтың басты оқиғасына айналды.
Ал грекиялық клуб өз алаңында «Реал Мадридпен» (3:4) тартысты матч өткізді.
Фото: kz.kursiv.media
