Футболдан 2026 жылғы Әлем Чемпионатына іріктеу ойындары сұмдық болып жатыр. Шығатындар шықпай, шықпайтындар шығып жатыр. Бірақ бұл аласапыранда, мен бір Құдайдың әділдігін көргендеймін.
2010 жылы Франция мен Ирландия құрамалары “кім 2010 жылғы Әлем Чемпионатына барады?” деп плей-оффта кездеседі. Бірінші ойында Ирландия өз алаңында 0:1 ұтылып, жауапты ойында Париж төрінде 0:1 есебімен жеңіске жетеді.
Экстра-таймда 103 минутында әйгілі Тьерри Анри қолымен ойнап, Галласқа пас береді. Галлас есепті 1:1 қылып, Францияны 2010 жылғы ОАР-да өткен Әлем Додасына шығарады. Ол кезде ВАР жоқ. Ирландия ойыншылары шулап-шулап қояды. Қайталауда Анридың қолмен ойнағанын Жер Планетасы көреді. Бірақ ФИФА ойын нәтижесін сол қалпы қалдырады.
Бүгін Мажарстан-Ирландия ойыны өтті. Будапештте мажарларға тең ойнаса да жеткілікті еді. Сабослай мен Варга бастаған мажарлар 2 доп соғып, емін-еркін ойнап жатады. Алайда AZ Alkmaar клубында ойнайтын Трой Парротт деген ирландияның ойыншысы 2 доп соғып, есепті теңестіреді. Ойын аяқталуға жақындағанда, 90+6 минутта сол Трой Парротт үшінші добын соғып, Ирландияны 2026 жылғы Әлем Чемпионатына жақындата түседі. Есеп 2:3 Ирландия пайдасына.
Маған, сол 15 жыл бұрынғы әділетсіздіктің құрбаны болған Ирландияға, бүгін Құдай жақтасқандай көрінді. Қалай десек те, Әділдік орнайды екен. Көзім жетті.
Пікір иесі: Samat Nordman Nurtaza.
