Қазақстандық теннисші, 17 жастағы Әмір Омарханов Монастир (Тунис) ITF M15 турнирінің ширек финалына жолдама алды.
Дүниежүзілік рейтингіде 1241-орында тұрған Әмір алдымен әлемнің 970-ракеткасы, германиялық Венсан Марысканы жолдан тайдырды – 6:3, 6:1.
Ә.Омарханов екінші айналымда әлемнің 622-інші, осы жарыстың 2-ракеткасы, тунистік Азиз Оуакамен шеберлік байқасты.
Бірінші партияда 6:3 есебі тіркелді.
Екінші сетте Әмір 3:0 есебімен жеңіп жатқан мезетте тунистік теннисші матчты жалғастырудан бас тартты.
Әмір Омарханов жартылай финалға шығу үшін рейтингіде 1430-сатыдағы германиялық Лука Виденманмен таласады.
Фото: ҰОК.
