Литва чемпионатының көшбасшысы «Кауно Жальгирис» «Астана» және Қазақстан жастар құрамасының вингері Нұралы Жақсылыққа қызығушылық танытуда, деп хабарлайды ASnews.kz.
20 жастағы шабуылшы ҚПЛ-дың ағымдағы маусымында 14 матч өткізіп, үш гол соқты, бір нәтижелі пас берді. Сондай-ақ Қазақстан кубогында екі ойынға қатысып, бір нәтижелі пас берді.
«Кауно Жальгирис» қазір Литва чемпионатында бірінші орында келе жатыр, екінші орындағы қарсыласынан жеті ұпай алға озып кеткен және оларға қарағанда артық бір ойыны бар. Команда сапында «Астананың» бұрынғы жартылай қорғаушысы Фабьен Урега мен қарағандылық «Шахтёрдың» бұрынғы ойыншысы Антон Толордава және «Жетісуда» ойнаған Темур Чогадзе бар. Өткен маусымда «Кауно Жальгирис» маусымды үшінші орынмен аяқтады.
Қазақстан жастар құрамасының көшбасшысына ҚПЛ-дың басқа клубтары да таласуда.
Фото: Нұралы Жақсылық.
