Қараша айына жоспарланған Қазақстан мен Өзбекстан ұлттық құрамалары арасындағы жолдастық матч өтпеуі мүмкін, деп хабарлайды Offside.kz qazpreml-ге сілтеме жасап.
Қараша айының соңына жоспарланған Қазақстан мен Өзбекстан футбол құрамалары арасындағы жолдастық кездесу өткізілу-өткізілмеу қаупінде тұр. Матчтың өтпей қалу ықтималдығы 90 пайызға бағалануда.
Негізгі себеп – Өзбекстан құрамасының бас бапкері мәселесінің әлі шешілмеуі. Тимур Кападзе құраманы 2026 жылғы әлем чемпионатының финалдық кезеңіне алып шыққанына қарамастан, Өзбекстан футбол қауымдастығы шетелден тәжірибелі маман іздеуде.
Қандай бапкерлер бас тартты
Bild басылымының дерегінше, Өзбекстан құрамасын жаттықтырудан Йоахим Лёв бас тартқан. Үміткерлер қатарында Каспер Юльманн, Паулу Бенту, Фатих Терим және Славен Билич бар. Жаңа бас бапкердің есімі алдағы бір ай ішінде белгілі болады. Бұл оған Қазақстанмен матчқа дайындалуға өте аз уақыт қалдырады.
Коллаж: offside.kz.
