Футболшы «Селтикке» қарсы матчта ауыр жарақат алған болатын, деп жазады penalty.kz.
«Қайраттың» қақпашысы әрі Қазақстан құрамасының ойыншысы Александр Заруцкий УЕФА Чемпиондар лигасы плей-офф кезеңіндегі алғашқы ойында ауыр жарақат алып, маусымның соңына дейін алаңға шықпай қалуы ықтимал.
Жарақаттың мән-жайы
Глазгода өткен «Селтикке» қарсы матчтың 71-минутында Заруцкий тізесін ауыр жарақаттап, ойынға қатысуды тоқтатты. Алдын ала мәлімет бойынша футболшының жарақаты өте күрделі. Дәрігерлердің қорытындысы толық медициналық тексеруден кейін жарияланады.
«Қайраттағы» жағдай
Қазіргі таңда алматылық клубтың қақпашылар тізімінде Заруцкийден бөлек Темірлан Анарбеков пен Шерхан Қалмұрза бар. Жаттықтырушылар штабы алдағы шешуші кездесуге дәл осы ойыншылардың бірін негізгі құрамға шығаруы мүмкін.
Плей-офф кезеңінің алғашқы ойыны 0:0 есебімен тең аяқталды. Енді шешуші жауапты матч 26 тамыз күні Алматыда өтеді. Бұл ойында «Қайраттың» топтық кезеңге шығу мүмкіндігі шешілмек.
Фото: Vesti.kz.
