Тергеу деректеріне сәйкес, Джейкобс жасырын камералар орнатып, балалардың қатысуымен заңсыз бейнематериалдар түсіргенін мойындады. Сонымен қатар ол бір баланы басқа штаттарға апарып, жыныстық зорлық-зомбылық жасауға бағытталған әрекеттерге барғанын растады.
Федералдық сот Джейкобсқа түрме жазасымен бірге, бостандыққа шыққаннан кейін өмір бойы бақылауда болу міндетін жүктеді. Бұдан бөлек, ол Юта штатының билігі тарапынан да жауапқа тартылды.
Сот құжаттарына қарағанда, белгісіз уақыттан бастап 2023 жылдың наурызына дейін Джейкобс жаттықтырушы ретіндегі жағдайын пайдаланып, кәмелетке толмағандарды Ютадан өзге штаттарға апарып жүрген. Сол сапарларда ол қонақүй бөлмелері мен жуынатын бөлмелерге жасырын камера орнатып, заңсыз бейнематериалдар түсірген.
АҚШ гимнастика федерациясының қызметкерлері бұған дейін спорт кешенінің ортақ дәретханасынан екі мәрте жасырын камера тауып, бұл туралы полицияға хабарлаған.
Тінту барысында жаттықтырушыдан 120-дан астам бейнежазба табылды. Олардың шамамен 40-ында оның өз үйінде және спорт орталығында жасырын камера орнатып жүрген сәттері анықталған.
Фото: instagram.com/adamrjacobs.
