2025 жылдың 23 шілдесінде «Қайрат» футбол клубы УЕФА Чемпиондар лигасының екінші іріктеу кезеңі аясында Финляндияда жергілікті КуПС клубымен кездесіп, 2:0 есебімен жеңіліп қалды. Ойын Куопио қаласындағы «Вяре Аренада» өтті. Матч барысында алматылық команда бірнеше сәттерде қарқынын жоғалтып, қарсыластың шапшаң шабуылдарына төтеп бере алмады. Есепті 49-минутта Мохамед Туре ашса, 71-минутта Яакко Оксанен есепті еселей түсті, деп жазады Аладоп.kz.
Сын айтқандардың қатарында:
«Қайрат бүгін өз тарихындағы ең нашар ойынын көрсетті деп ойлаймын…»
«Бойшаң финдерге қарсы айып алаңында не үшін әуеде асырылған пастар арқылы ойнап не керегі бар? Өздерінің мүмкіндіктерін жіберіп алды, түзу пас бере алмай қателесті, көп ойыншылар допты өздерінде шамадан тыс көп ұстап жүрді, сол үшін өз жағдайларын өздері қиындатып алды…»
«Боранбаевтың, өз соры ғой былай қарап тұрсаң. Еуропа да нәтиже көрсеткің келсе мықты бапкер шақырт. Мықты қорғаныс қой Сорокин, Мартынович деген шіріктермен ойнамай…»
«Уразбахтинның орнына профессионал тренерды қою керек қой…»
«Эдмилсон Сантананың арғы мен бергі жағы ғой, дым айырмашылық жоқ. Біз есі дұрыс ФРВ қалаған едік, Эдмилсонның орнына Рикардиньо шықса болар еді. Громыко орнына Сатпаев…»
Ал қолдау білдіргендер үміт отын сөндірген жоқ:
«Алматыда жеңіске жетеміз деген үміттемін, бірақ бұл оңайға соқпас. Финдер бізге қарсы қалай ойнау керектігін біліп алды. Қателіктерден сабақ аламыз ба?»
«Қағазда Қайрат фаворит болғанымен, КуПС 2-таймда жеңіске жетті. 2:0 — бұл 2-3 гол соғып ұтатындай счёт. Мы проиграли перестрелку, но не войну!»
«Алдыңғы маусымда Астана сыртта Бранннан 2:0 ұтылып, үйде 3:0 ұтты. Осы маусымда ХИК-тен 0:4 ұтылып, үйде 5:0 жеңді. Сенейік, әлі мүмкіндік бар!»
Жанкүйерлердің эмоциясы орынды: матчта команда өзін сенімді көрсете алмады. Бірақ әлі ештеңе шешілген жоқ. Қарымта ойын 30 шілдеде Алматыда өтеді. Қос гол айырмашылығы — өтелмейтін үкім емес. Бірақ бұл үшін «Қайрат» жаңа тәсіл, нақты тактика мен мінез көрсетуі тиіс.
Алда жауапты матч бар. Жанкүйерлердің сыны мен сенімі қатар жүрген сәтте, команда өз абыройын сақтап қалу үшін бар күшін салуы қажет.
Фото: «Қайрат» ФК.
