Ауыр атлетикадан Астанадағы жастар мен жасөспірімдер арасындағы Азия чемпионатының бесінші жарыс күні таңғажайып нәтижемен басталды. 69 келіге дейінгі салмақ дәрежесінде Кира Данилова алтын медаль иеленді, дейді penalty.kz.
Көкшетау тумасы Кира Данилова зілтемірді қос сайыс нәтижесі бойынша 198 келі (87+111) көтеріп, өз мансабындағы ең үздік көрсеткішке қол жеткізді. Бұл нәтиже оған жастар арасындағы Азия чемпионатының алтын медалін алып келді.
Кира Данилова жайлы қысқаша мәлімет:
- Туған күні: 2008 жылғы 8 шілде
- Туған жері: Көкшетау
Жетістіктері:
- 2024 жылғы Азия чемпионатының күміс жүлдегері (71 кг)
- 2025 жылғы жастар арасындағы әлем чемпионатының қола жүлдегері (71 кг)
- ҚР халықаралық дәрежедегі спорт шебері
Софья Шальгина – Азия чемпионатындағы алғашқы медалі
Софья Шальгина үшін бұл чемпионат мансаптағы тұңғыш Азия додасы болды. Соған қарамастан ол өзіне артылған үмітті толық ақтап, 175 келі (82+93) нәтижемен қола жүлде жеңіп алды. Бұл оның болашағы зор спортшы екенін тағы бір дәлелдеді.
Айғаным Жанболат – үздік бестік қатарында
Тағы бір қазақстандық зілтемірші Айғаным Жанболат та жүлде үшін таласты соңына дейін сақтап, 195 келі (90+105) көрсеткішпен бесінші орынды қанағат тұтты. Ол алты мүмкіндіктің үшеуін сәтті орындап, құрметке лайық өнер көрсетті.
Фото: sportarena.kz.
