Қарағанды облысының дзюдо федерациясының президенті, Азия дзюдо одағының (JUA) маркетинг және даму жөніндегі директоры әрі еліміздегі кәсіби «JENYS» дзюдо клубының бас директоры Тимур Тұрсымбаев спортшы қызға Kia маркалы көліктің К5 моделін сыйлаған. Елімізде бұл көлік бағасы 14 миллион теңгеден басталады.
Айта кетейік, 2022 жылы құрылған «Jenys» клубына бүгінде еліміздің абыройын асқақтатып жүрген бірқатар дзюдошы енген, солардың арасында Ақмарал Науатбек те бар. Аталған клуб басшылығы бұған дейін Будапештте өткен әлем чемпионатында күміс жүлдегер атанған дзюдошы Абиба Әбужақыноваға да көлік мінгізген.
Қуанышты жаңалықты спортшы қыздың өзі әлеуметтік желідегі парақшасында жазды.
«Бүгін әлем чемпионатының күміс жүлдегері атанғаныма «Jenys» клубы көлік атады. Ел мерейін үстем еткенде, клубымыз да бізді әрқашан қолдап, жетістігімізге ерекше қуанып отырады. Өте қуаныштымын және «Jenys» клубына ризашылығымды білдіремін», — деп жазған дзюдошы.
Фото: Видеодан кадр.
