Қазақстан атынан алғаш болып Юлия Путинцева кортқа шығады
Әлемнің 33-ракеткасы саналатын Юлия Путинцева алғашқы айналымда 12-ракетка, америкалық Аманда Анисимовамен кездеседі.
Айта кетейік, Юлия өткен жылы дәл осы турнирде сол кездегі әлемнің бірінші ракеткасы, польшалық Ига Швентекті жеңіп, алғаш рет төртінші айналымға дейін жеткен болатын.
Ертең Елена Рыбакина жарыс жолына шығады
Қазақстанның бірінші, әлемнің 11-ракеткасы Елена Рыбакина бірінші айналымда 49-орында тұрған армениялық Элина Аванесянмен кездеседі.
Рыбакинаның «Үлкен дулыға» турнирлеріндегі ең ірі жетістігі – 2022 жылғы Уимблдондағы чемпиондық. Ал өткен жылы ол жартылай финалда чехиялық Барбора Крейчиковаға жол берген болатын. Кейін Крейчикова чемпион атанды.
Ерлер жарысы – 1 шілдеде басталады
Ерлер құрамасының теннисшілері 1 шілдеде жарысқа қосылады:
- Александр Бублик – Хайме Муньяр (Испания)
- Александр Шевченко – Рейлли Опелка (АҚШ)
- Бейбіт Жұқаев – Флавио Коболли (Италия)
Былтырғы жылы Бублик үшінші айналымға дейін жетсе, Шевченко алғашқы матчта ұтылып қалған. Биыл Бейбіт Жұқаев Уимблдонда негізгі кезеңге алғаш рет қатыспақ.
Жұптық сында да қазақстандықтар бақ сынайды
- Анна Данилина – Мари Боузкова (Чехия)
Данилина жуырда дәл осы серіктесімен Истбурн турнирінде жеңіске жеткен еді. - Юлия Путинцева – Пейтон Стирнс (АҚШ)
- Александр Бублик – Флавио Коболли (Италия).
Фото: Getty Images.
