2005 жылы Мәскеуде өткен Әлем кубогында қазақстандық Ердос Жаңабергеновке жол берген кубалық Юниэль Дортикос (27-3, 25 КО) WBA және WBO тұжырымдары бойынша әлем чемпионы мексикалық Хильберто Рамирестен (48-1, 30 КО) жеңілді, деп жазады 1bol.kz.
Хильберто Рамирес пен Юниэль Дортикос арасындағы жекпе-жек АҚШ-тың Анахайм қаласында өтті.
Дегенмен бұл айқаста Рамиресті де мықты болды деп айта алмайсың, кездесудің екінші жартысында чемпиондық атаққа үміткер Дортикос кәдімгідей шаршап қалды. Ал бұл жайтты мексикалық боксшы тиімді пайдаланып кетті.
Төрешілердің шешімі: 115-112, 117-110 және 115-112.
Айта кетейік, Юниэль Дортикос. 1986 жылы дүниеге келген. Кәсіпқой бокста 2009 жылдан бері жүр. Осыған дейін 30 жекпе-жек өткізіп, 27-сінде жеңіске жеткен. IBF чемпиондық белдігіне (2019–2020) иелік еткен.
Фото: fight.ru.
