Нигериялық шабуылшының болашағы әлі де белгісіз, дейді penalty.kz.
Бесінші ұсынысқа да «жоқ» деді
Нигериялық ақпарат көздерінің мәліметінше, Осимхен бұл клубтан түскен бесінші ұсынысты да қабылдамаған. Ол Еуропада қалуға ниетті екенін білдіріп, мансабын жоғары деңгейде жалғастырғысы келеді.
Қазір оған «италиялық топ клубтардың» және басқа да еуропалық командалардың қызығушылық танытып отырғаны белгілі.
«Галатасарайдағы» жарқын маусым
2024/25 маусымын түркиялық «Галатасарайда» арендалық негізде ойнаған Осимхен керемет көрсеткіштерге қол жеткізді. 41 ойында 37 гол соғып, жанкүйерлердің сүйіктісіне айналды. Клуб оның толық трансферін рәсімдеуге мүдделі.
«Челси» — басты үміткер ме?
Осимхеннің есімі көптен бері «Челсимен» байланысты. Лондондықтар шабуыл шебін күшейту үшін жаңа ойыншы іздеп жатыр. Жақында олар «Ипсвич Тауннан» 19 жастағы Лиам Делапты £30 миллионға сатып алғанымен Энцо Маресканың командасы әлі де қосымша форвардқа мұқтаж.
Энцо Мареска. ФОТО: chelseablues.ru.
Football.london деректеріне сенсек, «Челси» Осимхенге қызығушылық танытуды жалғастырып отыр. Бірақ шабуылшының £400 000 апталық жалақы талабы ағылшын клубы үшін қиындық тудыруы мүмкін.
Осимхен не дейді?
2025 жылдың желтоқсанында 27 жасқа толатын Осимхен болашағына қатысты асығыстық танытқысы келмейді.
«Бірнеше ай бұрын менің «Галатасарайда» ойнайтынымды ешкім елестетпеген еді. Көпшілік мені қаңтарда кетеді деп ойлады. Мен қазіргі сәтпен өмір сүремін. Жазда не боларын білмеймін. Бұл клубты, жанкүйерлерді, қаланы жақсы көремін. Мұнда болу — мен үшін мәртебе», — деді шабуылшы.
Фото: chelseablues.ru.
