Астаналық «Барыс» 3х3 форматындағы Континенталь лигасының 22-туры аясында кезекті ойындарын өткізді. 7 маусым күні Мәскеудегі «Южный Лед» кешенінде өткен үшінші ойын күнінде команда екі матч өткізіп, өкінішке қарай, екеуінде де жеңіліс тапты, деп жазады 1bol.kz.
Алғашқы қарсылас — Новосібірдің «Сибирь» командасы болды. Бұл ойында «Барыс» 3:7 есебімен есе жіберді. Екі шайбаны Али Қасенов соғып, дубль авторы атанса, тағы бір гол Станислав Филиппенконың еншісіне жазылды.
Екінші кездесу Омбының «Авангард» командасына қарсы өтті. Бұл жолы астаналықтар аса ірі есеппен – 1:11 жеңіліп қалды. Команданың жалғыз шайбасын Карим Қажыбеков соқты.
8 маусым күні «Барыс» турда Минскінің «Динамосынан» 0:7 есебімен жеңіліп қалды.
Фото: hcbarys.kz.
