Германияда тұратын қазақстандық Роман Фресс (23-1, 13 KO) WBO тұжырымы бойынша бірінші ауыр салмақтағы Inter-Continental белбеуін жеңіп алып, ұйым рейтингінде үздік үштікке енді. Бұл туралы Sports.kz жазды, дейді 1bol.kz.
17 мамыр күні Магдебург қаласында өткен жекпе-жекте Фресс неміс боксшысы Михаэль Зайтцті (13-2, 11 KO) төрешілердің бірауыздан шығарған шешімімен жеңіп, WBO ұйымының вакантты белбеуін иеленді.
Аталған жеңістен кейін Роман рейтингте алтыншы орыннан екінші орынға көтерілді. Қазіргі таңда ол тек британдық Крис Биллам-Смиттен (21-2, 13 KO) кейінгі орында тұр. Ал WBO нұсқасы бойынша әлем чемпионы атағы мексикалық Хильберто Рамиреске (47-1, 30 KO) тиесілі.
Фото: Sportх.kz.
