Каратэден Ташкентте өтіп жатқан Азия чемпионатында 75 келіде сынға түскен Нұрқанат Әжіқанов чемпион атанды. Осылайша ол осынау жетістігін үшінші рет қайталап отыр, деп жазады 1bol.kz.
Финалда Нұрқанат Иран каратэшісі Мемати Мортезадан айласын асырды.
Отандасымыз жарысты екінші айналымнан бастаған. Алғашқы жекпе-жегінде ол үндістандық Маништерді 4:3 есебімен жеңсе, ширек финалда Филиппин спортшысы Батикан Алуиннен басым түсті. Жартылай финалда Иордания спортшысы Аль Нажар Саидтің осыл тұсын тапты (9:3).
Осылайша Нұрқанат Әжіқанов қатарынан үшінші жыл Азия чемпионатының алтынына қол жеткізді. Бұған дейін 2023 – Малайзияда, 2024 – Қытайда жеңімпаз атанған.
Айта кетейік, Нұрқанат Әжіқанов қазіргі уақытта каратэден табысты өнер көрсетіп жүрген қазақстандық спортшылардың бірі. Ол – әлем чемпионатының қола жүлдегері. Сондай-ақ, Азия ойындарының жеңімпазы. Премьер-Лига жарыстарының жүлдегері.
