Рим қаласында өтіп жатқан WTA 1000 турнирінің алғашқы айналымында Қазақстанның үздік теннисшілерінің бірі Юлия Путинцева күтпеген жерден жарыс жолынан шығып қалды, деп жазады penalty.kz.
Әлемдік рейтингте 29-орында тұрған Юлия Путинцева Бельгия өкілі, 74-орын иегері Жаклин Кристианмен кездесті. Бұған дейінгі жеке кездесулерде басым түскен қазақстандық спортшы бұл жолы сенімді бастай алмады.
Алғашқы сет аса тартысты өтіп, есеп 6:6-ға жеткізді. Бірақ тай-брейкте Кристиан 7:2 есебімен басым түсті. Путинцева бұл сәтсіздіктен кейін эмоциясын ұстай алмай ракеткасын сындырып, кортқа да зақым келтірді.Ал екінші сет 7:5 есебімен аяқталды.
Осылайша Юлия Путинцева Римдегі WTA 1000 турнирінен бірінші айналымда-ақ шығып қалды. Бұл нәтиже жанкүйерлер үшін үлкен тосынсый болды, себебі Путинцева бұл турнирден кемі ширек финал күткен спортшылар қатарында болған еді.
Фото: NUR.KZ.
