«Қайрат» клубы португалиялық қорғаушы Луиш Матамен келісімді 2026 жылдың соңына дейін ұзартқанын ресми түрде хабарлады, деп жазады penalty.kz.
«Қайрат» ФК 27 жастағы португалиялық қорғаушы Луиш Матамен келісімшартқа қол қойғанын қуанышпен хабарлайды. Ол 2026 жылдың соңына дейін біздің құрамда өнер көрсетеді», – делінген клубтың ресми хабарламасында.
Луиш Мата жаңа маусым басталғалы бері «Қайрат» сапында барлық турнирде 9 матчқа қатысып, бір нәтижелі пас беріп үлгерді. Қорғаныстағы сенімді ойынымен жанкүйерлердің көңілінен шыққан футболшы клуб жоспарына маңызды ойыншы ретінде енгені байқалады.
«Қайраттың» бұл қадамы – команда құрамын тұрақтандыруға бағытталған стратегиялық шешім. Маусым барысында қорғаныс шебіндегі рөлін мүлтіксіз атқарған Матаның тәжірибесі мен шеберлігі командаға үлкен көмек болатыны сөзсіз.
Фото: sportarena.kz.
