21 жастағы қорғаушы соңғы рет 30 наурызда Англия кубогының ширек финалында «Борнмутқа» қарсы матчта (2:1) алаңға шыққан болатын. Ол бірінші таймда ойнап, үзілісте алмастырылды. Содан бері сәуір айындағы бір де бір ойынға қатыспады. Алты матч қатарынан бірде қосалқы құрамда отырып, мүлде тізімге енбеді.
Кейбір БАҚ беттерінде Хусанов пен Гвардиоланың арасында жанжал болған деген сыбыс тараған еді, бұл оның негізгі құрамнан шеттетілуіне себеп болды делінген. Алайда бұл ақпарат расталмады.
35-тур аясында «Вулверхэмптонға» қарсы матч алдындағы баспасөз мәслихатында Гвардиолаға осы жағдайға қатысты сұрақ қойылды. Бапкер Хусановты неге «Борнмутқа» қарсы матчта ауыстырғанын түсіндіріп, командада қазір жақсы тепе-теңдік қалыптасқанын, ал өзбек ойыншының уақыты әлі алда екенін айтты.
«Оны алмастыруымның бір себебі — Хусанов сары қағаз алуы. Мен тәуекел еткім келмеді. Біз сол жақ қанатта қысымды күшейтуді қаладық. Иә, бізде Витор Рейс пен Хусанов болды, бірақ олар әлі өте жас. Бұл жағдай бастапқы құрамдағы орныңды немесе келесі матчта міндетті түрде ойнайтыныңды қалыпты нәрсе ретінде қабылдауға болмайтынын көрсетті», — деді Гвардиола клубтың ресми сайтына.
Айта кетейік, Абдукодир Хусанов биылғы қаңтар айында «Ланс» клубынан «Манчестер Ситиге» 40 миллион еуроға ауысқан болатын. Содан бері ол АПЛ-де 6 матчқа қатысты.
Фото: Getty images.
