Халықаралық олимпиада комитеті тарапынан лицензиясынан айырылған Халықаралық бокс қауымдастығы ерлер арасында әлем чемпионатын өткізуден әлі де үмітті, деп жазады 1bol.kz.
Бастапқыда турнирді 2025 жылғы мамырдың соңы мен маусымның басында ұйымдастыру туралы жоспар болған. Ұйымдастырушылар қатысушыларды қомақты жүлде қорымен қызықтырғысы келді. Біріншілік жеңімпазы 500 мың доллар алатыны айтылған.
Дегенмен ХОК боксты Олимпиада-2028 бағдарламасында қалдырып, оған жауапты ұйым ретінде World Boxing-ті тағайындаған соң, IBA беделіне кәдімгідей нұқсан келді. Түркияда мамырда өтуі тиіс біріншіліктің алдымен ұйымдастырылатын орны өзгеріп, енді уақыты да ауысты. IBA сайтында жаңа мерзім көрсетіліп тұр – қараша айы. Дегенмен Умар Кремлёвтің айтулы сынды қайда өткізетіні әзірге белгісіз.
Фото: Валерия Шарифулина / ТАСС).
