Ресейдің Хабаровск қаласында өтіп жатқан бокстан Коротков атындағы турнирде Өзбекстанның даңқты боксшысы Хасанбой Дусматов жарыс жолынан шығып қалды, деп жазады 1bol.kz.
Ширек финалдық кездесуде Хасанбой өзінің туған інісі Фарезбек Дусматовпен жұдырықтасуы тиіс болған. Алайда, ол соңғы сәтте рингке шығудан бас тартып, жолын інісіне берді.
Бұған дейін қазақ-өзбек жанкүйерлерінің бәрі байырғы қарсыластар Сәкен Бибосынов пен Хасанбой Дусматов арасындағы жекпу-жекті күткен. Екеуінің жолы жартылай финалда түйісуі керек еді. Алайда, Сәкен Хасанбоймен емес, оның туған інісімен жұдырықтасатын болды.
Әлеуметтік желі қолданушылары болса Хасанбой Дусматовтың Бибосыновпен жұдырықтаспауы үшін осындай қадамға барды деген болжамын жазуда.
Айта кетейік, Бибосынов пен Дусматов соңғы рет Париж Олимпиадасының ширек финалында кездесіп, төрешілер шешімімен өзбек жеңіске жеткен еді.
Фото: Қазақстан бокс федерациясы.
