25 сәуір — Қазақстан футболы күніне орай елордада аңызға айналған ойыншылардың қатысуымен ерекше матч ұйымдастырылады. «Астана-Аренада» Қазақстан және Әлем құрамалары өзара күш сынасады, деп хабарлайды penalty.kz.
Қазақстан құрамасы осы матчта жанкүйерлерге естен кетпес эмоция сыйламақ. Құрамда ел футболының тарихына есімі алтын әріппен жазылған футболшылар бар:
- Самат Смақов, Давид Лория, Жамбыл Күкеев, Сергей Скорых, Улан Қонысбаев, Ренат Әбдулин, Азат Нұрғалиев, Елдос Ахметов, Қайрат Әшірбеков, Вячеслав Богатырев, Алмат Бекбаев, Таңат Нөсербаев, Александр Кучма, сондай-ақ танымал блогер Артур Асқарұлы (Archibaaalt).
Қазақстандық жанкүйерлер үшін бұл ойын — футбол тарихының тірі куәгерлерін көруге таптырмас мүмкіндік. Әлемдік жұлдыздардың тізімі шынымен әсерлі:
- Кларенс Зеедорф, Виктор Баия, Марко Матерацци, Хавьер Дзанетти, Кристиан Дзаккардо, Дуглас Майкон, Сержиньо, Клод Макелеле, Джей-Джей Окоча, Димитар Бербатов, Халилу Фадига, Гаиска Мендьета, Эстебан Камбьяссо, Фернандо Морьентес.
Матчты Нидерланд аңызы Кларенс Зеедорф ресми түрде жария етті. Ол — үш түрлі клубпен Чемпиондар лигасын жеңіп алған жалғыз футболшы:
- “Аякс” (1994/95),
- “Реал Мадрид” (1997/98),
- “Милан” (2002/03 және 2006/07).
Фото: ашық дереккөздерден.
