2025 жылы АҚШ-та өтетін футболдан Клубтық әлем чемпионатында Өзбекстан төрешілері алғаш рет тарихқа енеді, деп жазады penalty.kz.
14 маусым мен 13 шілде аралығында өтетін додада Өзбекстан атынан үш төреші жұмыс істейді. Бұл — өзбек футболының төрелік саласындағы тарихи жетістігі.
ФИФА-ның ресми тізіміне сәйкес, бас төреші ретінде көпшілікке танымал, тәжірибелі арбитр Ильгиз Танташев таңдалды. Оның көмекшілері — Тимур Гайнуллин мен Андрей Цапенко. Бұл үштіктің чемпионат матчтарын басқаруы — халықаралық деңгейде үлкен сенімнің белгісі.
ФИФА мұндай деңгейдегі турнирге Орталық Азиядан төрешілерді алғаш рет шақырып отыр. Бұл тек аталған мамандар үшін ғана емес, жалпы өзбек футбол төрелігінің дамуындағы маңызды бетбұрыс.
Фото: sport24.ru.
