«Челси» енді 19 жастағы орталық жартылай қорғаушы Джоб Беллингемді өз сапына шақырмақ екен, деп жазады penalty.kz.
22 миллион еуро – жас жұлдыздың құны
Қазіргі уақытта «Сандерленд» командасында ойнап жүрген Беллингемнің трансферлік құны Transfermarkt дерегінше 22 миллион еуроға бағаланып отыр. Ол Чемпионшиптің осы маусымында 36 матч өткізіп, 4 гол соғып, 3 нәтижелі пас берген. Оның «Сандерлендпен» келісімшарты 2028 жылдың маусым айының соңына дейін жарамды.
Қазақ футболшысына да есік ашық
Айта кету керек, бұған дейін, 2025 жылдың ақпанында, «Челси» Алматының «Қайрат» клубымен 16 жастағы қазақстандық шабуылшы Дастан Сәтпаевты өз қатарына қосу жөнінде келісімге келген болатын. Жас футболшы 2026 жылдың жазында, 18 жасқа толған соң, ресми түрде Лондон клубының құрамына қосылады.
Болашақтағы серіктестер
Егер екі трансфер де сәтті жүзеге асса, Дастан Сәтпаев пен Джоб Беллингем бір командада – «Челсидің» негізгі құрамында доп тебуі әбден мүмкін.
Фото: mustafinmag.kz.
