«Екі корольдің айқасы»
DAZN мәліметінше, WBO және IBF нұсқалары бойынша әлем чемпионы Жәнібек Әлімханұлы мен Канело Альварес арасында болуы мүмкін жекпе-жек келесі жылдан ерте өтпейді. Себебі, мексикалық боксшының 2024 және 2025 жылдарға арналған жоспарлары нақты құрылып қойған.
«3 мамырда Сауль Альварес Сауд Арабиясында Вильям Скуллмен айқасып, екінші орта салмақта абсолютті чемпион атануға тырысады. Бұл жеңіс оны қыркүйекте Теренс Кроуфордпен болатын жекпе-жекке жақындатады. Егер Канело 2025 жылы екі жеңіске жетсе, онда 2026 жылы Әлімханұлымен айқасуға дайын болуы мүмкін», – деп жазады DAZN.
Жәнібектің шақыруы мен Канелоның үнсіздігі
Жәнібек Әлімханұлы бірнеше жылдан бері мексикалық жұлдызды рингке шақырып келеді. Алайда Сауль Альварес оның ұсыныстарына жауап қатпай жүр.
Соңғы рет Жәнібек 5 сәуір күні Астанадағы «Барыс Аренада» өткен турнирден кейін өзінің әлеуметтік желідегі парақшасында Канелоны ашық айқасқа шақырды. Ол жекпе-жекті «Екі корольдің шайқасы» деп атады.
Жекпе-жектің өтуіне не кедергі?
Екі боксшы арасындағы кездесуге басты кедергілердің бірі – салмақ дәрежесі мен гонорар мәселесі болуы мүмкін. Сауль Альварес екінші орта салмақта (168 фунт) өнер көрсетеді, ал Жәнібек орта салмақта (160 фунт) чемпион атанып отыр. Бұдан бөлек, Канелоның қаржылық талаптары өте жоғары.
Еске сала кетейік
5 сәуірде Астанада өткен «Battle of the Brave» бокс кешінде Жәнібек Әлімханұлы франциялық қарсыласы Анауэль Нгамиссенгені бесінші раундта нокаутқа түсіріп, WBO және IBF белбеулерін сәтті қорғаған болатын.
Фото: Vesti.kz.
