Бокстан Бразилияда өтіп жатқан World Boxing ұйымының Әлем кубогінде өзбекстандық этникалық қазақ Мадияр Данияров алғашқы жекпе-жегін сәтті өткізді, дейді 1bol.kz.
Ол Фос-ду-Игуасу шаршы алаңында 60 келіде жұдырықтасып жатыр. Данияров ширек финалда италиялық Микеле Бальдассиді 4:1 есебімен жеңді. Сөйтіп жартылай финалға жолдама алды. Яғни, Мадиярдың қоржынында кемі қола жүлде бар.
Айта кетейік, бұл жарысқа Қазақстанның атынан 8 боксшы аттанған. Олардың екеуі жеңіліп қалды. Алдымен 60 келідегі Талғат Сырымбетов бразилиялық Луис Оливейраға жол берсе, 50 кг салмақтағы Нұрзат Оңғаров өзбек боксшысы Асилбек Жалиловқа есе жіберді.
Фото: скрин Instagram.
