Каталониялық «Барселона» футбол клубы Ханси Фликтің жетекшілігімен осы маусымда 45 ойында 139 гол соқты, деп хабарлайды 1bol.kz.
Бұл маусымның алғашқы 45 ойынында соғылған голдар саны бойынша Ла Лига командалары арасындағы тарихтағы ең жоғарғы көрсеткіш.
30 наурыз күні «Барселона» мен «Жирона» арасында Ла Лиганың 29-турының матчы өтті. Ол ойында каталондықтар 4:1 есебімен жеңіске жеткен болатын.
Испания чемпионатының 29 матчында Флик шәкірттері – 82 гол, Чемпиондар лигасындағы 10 матчта – 32 гол, Испания кубогында 4 матчта – 18 гол, сондай-ақ Испания Суперкубогының екі кездесуінде 7 гол соққан. Бұндай нәтижеге бұған дейін испаниялық бірде-бір клуб жетпеген.
«Барселона» қазір 66 ұпаймен Ла Лиганың турнирлік кестесінде көш бастап тұр. Еншісінде 21 жеңіс, 3 тең ойын және 5 жеңіліс бар.
Фото: Judit Cartiel/Getty Images.
