UFC-де өнер көрсететін ирландиялық Иэн Гэрри (15-0) қазақстандық Шавкат Рахмоновпен (18-0) жекпе-жекке шыққысы келетінін кезекті рет мәлімдеді.
Бұл туралы ол Лас-Вегастағы UFC 303 турнирінде америкалық Майкл Пейджді (22-3) жеңгеннен кейін айтты.
«Мен онымен бірге жаттыққанмын. Оған құрметтен басқа сезімім жоқ, бірақ мен оны жеңген алғашқы файтер болғым келеді және олай істей алатыныма сенемін», — дейді ирландиялық.
Рахмонов бұл жазбаға бірден жауап берді.
«Иэн жаттығу кезінде не болғанын ұмытып қалған сияқты. Мұны оның есіне салуға қарсы емеспін», — деп жазыпты Шавкат.
Фото: ©Vesti.kz/Turar Kazangapov
